عینک کا انتخاب چہرے کے مطابق

عینک کا استعمال نظر کی کمزوری کے علاوہ اپنے فیشن
سینس  کے اظہار اور چہرے کی دلکشی بڑھانے کے لئے بھی کیا جاتا ہے  ۔ چشمے کا صحیح انتخاب چہرے کی خوبصورتی بڑھانے کا سبب بنتا ہے ۔ اس کے لیے چہرے کی بناوٹ کومدنظررکھتے ہوئے فریم خریدنا ضروری ہے ۔ اس بات کا خیال رکھیں کہ اپنے چہرے سے بڑا فریم نہ خریدیں اور نہ ہی بغیر کناروں والا فریم استعمال کریں ۔ آگر آپ کا چہرہ گول ہے تو آپ چوکور فریم والی عینک استعمال کریں ۔ اگر آپ نے گول چہرے کے ساتھ گول چشمہ لگا لیا تو آپ کا چہرہ کسی فٹبال کا سا تاثر پیش کرے گا ۔ چوکور چہرے کے لئے بیضوی شکل کا فریم استعمال کریں ۔ اور اگر آپ کا چہرہ کتابی ہے تو آپ ہر طرح کا فریم استعمال کر سکتے ہیں ۔ اگر آپ کی دونوں آنکھوں کے درمیان فاصلہ کم ہے تو اس صورت میں ہلکے رنگ کے فریم کا انتخاب کریں ۔ فریم کے انتخاب میں چہرے کی شیپ کے ساتھ ساتھ اپنے ہیئر اسٹائل کو بھی مدنظر رکھیں ۔ سنہرے بالوں والی خواتین کو نیلے ، سبز اور گلابی رنگ کے فریم استعمال کرنے چاہیے ۔ فریم کے انتخاب میں چہرے کے نقوش کو مد نظر رکھنا بھی ضروری ہے ۔ وہ افراد جن کی ناک لمبی ہو انہیں چاہیے کہ نچلے پل والا چشمہ لگائیں ۔ چھوٹی ناک کے لیے لمبے پل والا چشمہ استعمال کریں جبکہ چپٹی ناک کے لیے گہرے رنگ کے پل کا چشمہ بھلا لگتا ہے ۔ اس سے ناک کے چپٹے پن کا احساس کم ہو جاتا ہے اور چہرے کی دلکشی میں بھی اضافہ ہوتا ہے ۔